Хүүхдээ Аутизмын хүрээний эмгэгтэй гэж оношлогдсоны дараа ээж аавуудын сэтгэл санаа удаан хугацаанд санаа зовниж эргэлзэж байсан бол оношоо мэдсэндээ харьцангуй тайвширдаг бол зарим ээж аавууд маш ихээр хямарч сэтгэлээр унадаг. Бид таныг ойлгож байна.
Та мянган мянган онцгой хүүхдүүдтэй хүчирхэг ээж аавуудын нэг болж үргэлж итгэл найдвараа алдалгүйгээр илүү хүчирхэг байж онцгой төрсөн хүүхэддээ сайхан ирээдүйг бэлэглэх аялал энэ мөчид эхэлж байна.
СЭТГЭЛ САНААНЫ ХЯМРАЛАА ДАВАН ТУУЛАХ
ТАНЫ ОРОЛЦОО
Аутизм ба бусад онцгой хүүхдүүдийн академи нь ашгийн бус байгууллага бөгөөд манай АВА интервенци эмчилгээ нь аутизмын хүрээний эмгэгийн хамгийн өндөр үр дүнтэй эмчилгээ бөгөөд хөгжлийн бэрхшээлээ даван туулах, хоцрогдлоо нөхөх, авъяас чадвараа нээн илрүүлэх, бие даан амжилттай амьдрах чадваруудыг эмзэмших зэргээр амьдралд нь эерэг олон өөрчлөлтүүдийг авчирдаг юм. Гэвч манай багш хүүхдийн харьцаа маш бага (ихэвчлэн 1:1), өндөр өртөгтэй протокол, сургалтын материал, хэрэгслүүд ихээр ашиглагддаг, чадварлаг терапист, багш, сургагч нарын бэлдэхэд удаан хугацаагаар (хэдэн жилээр) бэлдэх зэрэгт маш өндөр зардал шаардагддаг.
Хэрэв та бидэнд илүү олон хүүхэд, гэр бүлд (ялангуяа орлогын түвшин доогуур) туслах болон хөгжлийн бэрхшээлтэй хүүхдүүдэд зориулсан илүү олон чухал үйлчилгээг нэвтрүүлэхэд туслахыг хүсвэл танд дараах сонголтууд байна:
Хувь нэмрээ оруулах
Мөнгөн хандив тусламж
Таны өгсөн мөнгөн хандив тусламж бидний нэвтрүүлж буй аутизмтэй хүүхдэд чухал шаардлагтай АВА эмчилгээ, оношилгоо үнэлгээ, интервенци эмчилгээ, ээж аавуудын сургалт болон дараа дараагийн нэвтрүүлэх олон үйлчилгээнд зарцуулагдах бөгөөд та өөрийн оруулсан хувь нэмрийн үзүүлэлтийг (ж: таны ивээн тэтгэсэн хүүхэд хэрхэн өөрчлөгдөж байгаа) харах боломжтой юм.
Тусламжийн бусад хэлбэр
Манай АВА эмчилгээ гол төлөв тоглоомын аргаар явагддаг тул хүүхдийн ном болон тоглоомууд бидний үйл ажиллагаанд чухал үүрэг гүйцэтгэдэг.
Та манайд ном болон тоглоом хандивлаж аутизм болон хөгжлийн эмгэгтэй хүүхдүүдийн амьдралд бодит эерэг өөрчлөлтийг авчрах боломжтой.
Сайн дурын ажилтан болох
Хэрэв та эсвэл таны хүүхэд сагс тоглодог, төгөлдөр хуур дардаг, зураг сайн зурдаг, эсвэл сайн бүжиглэдэг бөгөөд хөгжлийн бэрхшээлтэй хүүхдүүдийн ирээдүйд эерэг нөлөө үзүүлэхийг хүсдэг, хүүхдээ хүнлэг сайхан сэтгэлтэй, зөв төлөвшилтэй болгон хүмүүсжүүлэхийг зорьдог бол манай байгууллагаас удахгүй хийж эхлүүлэх олон сонирхолтой арга хэмжээнд хүүхдээ болон гэр бүлээрээ оролцуулцох боломжтой.
