Хүүхдээ Аутизмын хүрээний эмгэгтэй гэж оношлогдсоны дараа ээж аавуудын сэтгэл санаа удаан хугацаанд санаа зовниж эргэлзэж байсан бол оношоо мэдсэндээ харьцангуй тайвширдаг бол зарим ээж аавууд маш ихээр хямарч сэтгэлээр унадаг. Бид таныг ойлгож байна.
Та мянган мянган онцгой хүүхдүүдтэй хүчирхэг ээж аавуудын нэг болж үргэлж итгэл найдвараа алдалгүйгээр илүү хүчирхэг байж онцгой төрсөн хүүхэддээ сайхан ирээдүйг бэлэглэх аялал энэ мөчид эхэлж байна.
СЭТГЭЛ САНААНЫ ХЯМРАЛАА ДАВАН ТУУЛАХ
АУТИЗМЫН ХҮРЭЭНИЙ ЭМГЭГИЙН ОНОШИЛГОО
Аутизмын хүрээний эмгэгийг оношилдог лаборатори эсвэл багажийн шинжилгээ гэж байдаггүй тул аутизмыг тусгай мэргэшсэн эмч эсвэл хөгжлийн бэрхшээлийн мэргэжилтэн CARS 2 (Childhood Autism Rating Scale), ADOS (Autism Diagnostic Observation Schedule) зэрэг стандарт үнэлгээнүүдийн тусламжтай үнэлгээ хийж оношилдог.
Аутизмын хүрээний эмгэг нь заримдаа 18 сар хүрэхээс өмнө оношлогдож болдог боловч 24 сар хүрсний дараагаар оношийг илүү баттайгаар тавих боломжтой болдог. Хэрвээ аутизмын шинжүүд илэрч байгаа бол Аутизмын үнэлгээг аль болох эрт буюу 2 нас хүрмэгц нь хийлгэж, нотолгоонд суурилсан интервенцэд хамруулах нь чухал. Эрт интервенц буюу 3 наснаас өмнө эхэлсэн АВА эмчилгээ хожуу эхэлснээс асар ялгаатай үр дүн өгдөг.
CARS 2 (Childhood Autism Rating Scale), ADOS (Autism Diagnostic Observation Schedule) гэсэн үнэлгээний аргууд нь хоёулаа аутизмын оношилгоонд ашиглагддаг олон улсын стандарт аргууд юм. Эдгээр үнэлгээг тусгайлан мэргэшсэн мэргэжилтнүүдийн хүүхэдтэй харьцах үнэлгээнд 1 цагаас илүү хугацаа шаардлагагүй байдаг бөгөөд аль ч улсад ерөнхийдөө төлбөр өндөр, үнэлгээний дараах зөвлөгөө гэж ихэнхдээ байхгүй, АВА терапи зэрэг үйлчилгээнүүд нь тусдаа нэмэлт төлбөртэй байдаг. Аутизмын стандарт үнэлгээг хэд хэдэн улстай харьцуулсан харьцуулалтыг дараах хүснэгтээс харна уу.
